წინამდებარე ხელშეკრულება დადებულია ერთი მხრივ, სსიპ - საქართველოს ინოვაციების და ტექნოლოგიების სააგენტოს, წარმოდგენილი მისი თავმჯდომარე ავთანდილ კასრაძის სახით (შემდგომში „სააგენტო“) და მეორე მხრივ, ს/კ წარმოდგენილი ს სახით (შემდგომში კომპანია)

იმის გათვალისწინებით, რომ:

• (1) 2016 წლის 28 მარტს საქართველოს მთავრობასა და რეკონსტრუქციისა და განვითარების საერთაშორისო ბანკს (IBRD) შორის გაფორმდა სასესხო ხელშეკრულება, რომლის ფარგლებში სსიპ - საქართველოს ინოვაციების და ტექნოლოგიების სააგენტო ახორციელებს „ეროვნული ინოვაციების ეკოსისტემის პროექტს.“ (შემდგომში პროექტი);
• (2) პროექტის ერთ-ერთი კომპონენტია „ფართოზოლოვანი ინტერნეტი განვითარებისთვის“ პროგრამა, რომლის განხორციელების მიზნით, სსიპ - საქართველოს ინოვაციების და ტექნოლოგიების სააგენტოს ქმნის ონლაინ პორტალს (შემდგომში - პორტალი), რომლის მეშვეობით მოხდება მაღალმთიან რეგიონებში მცხოვრები სოციალურად დაუცველი, არაუმეტეს 10,000 ოჯახისათვის (შემდგომში - სოციალურად დაუცველი ბენეფიციარი) და 500 მეწარმისათვის (შემდგომში - მეწარმე ბენეფიციარი) ინტერნეტის პირველადი ინსტალაციის ღირებულების დაფინანსება;
• (3) 2016 წლის 28 მარტის სასესხო ხელშეკრულების შესაბამისად, 2018 წლის 5 ნოემბერს დამტკიცებული „ინტერნეტი განვითარებისთვის“ პროგრამის სახელმძღვანელოს მიხედვით, სააგენტო უფლებამოსილია ზემოაღნიშნული კომპონენტის განხორციელების მიზნით, დადოს ხელშეკრულებები ინტერნეტ სერვის პროვაიდერებთან;
• (4) კომპანია წარმოადგენს ინტერნეტ სერვის პროვიადერს, რომელსაც სურს პორტალის მეშვეობით თავისი პროდუქცია შესთავაზოს ბენეფიციარებს;

ვდებთ წინამდებარე ხელშეკრულებას შემდეგზე:

მუხლი 1. ხელშეკრულების საგანი

ხელშეკრულების საგანს წარმოადგენს კომპანიის მიერ პორტალის მეშვეობით შეთავაზებული ინტერნეტ სერვის პაკეტის პორტალზე რეგისტრირებული ბენეფიციარის მიერ შეძენის შემთხვევაში, სააგენტოს მხრიდან პირველადი ინსტალაციის საფასურის გადახდა. მეწარმე ბენეფიაცირის შემთხვევაში, პროგრამის მეშვეობით შეთავაზებული ინტერნეტ პაკეტის ღრებულება შეადგენს არაუმეტეს 200 ლარს, ხოლო სოციალურად დაუცველი ბენეფიციარის შემთხვევაში, პორტალზე განთავსებული ინტერნეტ პაკეტის ღირებულება შეადგენს არაუმეტეს 150 ლარს.

მუხლი 2. შეძენის/მიწოდების პირობები და ანაზღაურების წესი

• 2.1 ბენეფიციარის მიერ ინტერნეტ პაკეტის შეძენა და კომპანიის მიერ მომსახურების მოწოდება ხდება შემდეგი პირობებით:
  • 2.1.1 ბენეფიციარის მიერ კომპანიის შეთავაზების არჩევის შემთხვევაში, კომპანიამ 48 საათის განმავლობაში უნდა დაუდასტუროს ბენეფიციარს არჩეული პაკეტის ხელმისაწვდომობა მის მისამართზე.
  • 2.1.2 დასტურის შემთხვევაში, 5 დღის ვადაში, კომპანია ახდენს ინტერნეტის ინსტალაციას ბენეფიციარის მიერ პორტალზე მითითებულ მისამართზე, ბენეფიციარის მიერ არჩეული პაკეტით განსაზღვრული პირობებით, რაზეც ბენეფიციარსა და კომპანიის შორის ფორმდება მიღება-ჩაბარების აქტი, ხოლო ბენეფიციარი კომპანიას წარუდგენს სააგენტოს მიერ გაცემულ ელექტრონულ ვაუჩერს ინტერნეტის პირველადი ინსტალაციის დაფინანსების შესახებ.
  • 2.1.3 კომპანიის მხრიდან ინტერნეტის ინსტალაცია ხდება ბენეფიციარის მიერ წარდგენილ ელექტრონულ ვაუჩერზე დატანებული QR კოდის პორტალზე დადასტურების შემდეგ.
• 2.2 კომპანიის მიერ ბენეფიციარებისათვის მიწოდებული მომსახურების საფასურის გადახდა სააგენტოს მხრიდან ხორციელდება კომპანიის ინვოისისა და ბენეფიციართან გაფორმებული მიღება-ჩაბარების აქტის საფუძველზე შემდეგი პირობებით:
  • 2.2.1 კომპანია კალენდარული თვის ბოლო დღეს სააგენტოს წარუდგენს ინვოისსა და მიღება-ჩაბარების აქტებს, რომლის მიღებიდან 10 დღის ვადაში სააგენტო კომპანიას ურიცხავს თითოეული ბენეფიციარის მიერ შეძენილი ინტერნეტ ინსტალაციის ღირებულებას.
• 2.3 კომპანიის ინვოისი და ბენეფიციართან გაფორმებული მიღება-ჩაბარების აქტი უნდა შეიცავდეს შემდეგ მონაცემებს:
  • 2.3.1 კომპანიის საიდენტიფიკაციო მონაცემებს (სახელს, საიდენტიფიკაციო კოდს, საკონტაქტო ნომერს, იურიდიულ და ფაქტობრივ მისამართს და საბანკო ანგარიშს);
  • 2.3.2 სოციალურად დაუცველი ბენეფიციარის შემთხვევაში - სახელს, გვარს, პირად ნომერს, ოჯახის საიდენტიფიკაციო კოდს, ასევე მისამართს (ბენეფიციარის მიერ პორტალზე რეგისტრირებული მისამართი და მიწოდების ადგილი უნდა იყოს იდენტური)/ბენეფიციარი მეწარმის შემთხვევაში - საიდენტიფიკაციო მონაცემებს (სახელს, საიდენტიფიკაციო კოდს, იურიდიულ და ფაქტობრივ მისამართს), მეწარმე ბენეფიციარის შემთხვევაში;
  • 2.3.3 ინტერნეტ პაკეტის დასახელებას და სრულ სპეციფიკაციას, ასევე ინტერნეტ პაკეტის ფასს.

მუხლი 3. სოციალურად დაუცველი ბენეფიციარებისათვის პორტალზე შეთავაზების განთავსება

• 3.1 კომპანია ვალდებულია პორტალზე განათავსოს შეთავაზება ან შეთავაზებები სააგენტოსთან პორტალის მეშვეობით წინასწარ შეთანხმებული ვადით და პირობით;
• 3.2 პორტალის მეშვეობით შეთავაზებული ინტერნეტ პაკეტი არ უნდა იყოს 2 მბ/წმ-ზე ნაკლები;
• 3.3 სოციალურად დაუცველი ბენეფიციარის მიერ შეძენილი ინტერნეტ პაკეტი უნდა მოიცავდეს ინტერნეტის ინსტალაციის საფასურს და სპეციალურ პირობას ყოველთვიურ სააბონენტო გადასახადზე.
• 3.4 ინტერნეტ პაკეტის პირობები, ინტერნეტის სიჩქარესთან და ყოველთვიურ სააბონენტო გადასახადთან დაკავშირებით, უნდა შენარჩუნდეს ბენეფიციარსა და კომპანიას შორის გაფორმებული მიღება-ჩაბარების აქტის გაფორმებიდან არანაკლებ 12 თვის განმავლობაში.

მუხლი 4. ხელშეკრულებაში ცვლილებების შეტანა ან დამატება

წინამდებარე ხელშეკრულებაში ნებისმიერი ცვლილების ან დამატების გაკეთება შესაძლებელია მხარეთა მიერ დამატებითი წერილობითი ხელშეკრულების ხელმოწერის შემდეგ.

მუხლი 5. ხელშეკრულების მონიტორინგი, შეჩერებისა და შეწყვეტის წესი, სანქციები

• 5.1 სააგენტო უფლებამოსილია განახორციელოს კომპანიის მიერ წინამდებარე ხელშეკრულებით აღებული ვალდებულებების შესრულების კონტროლი, აღნიშნული მიზნით იგი უფლებამოსილია ხელშეკრულების შესრულების პირობების შესახებ გამოითხოვოს ინფორმაცია როგორც ბენეფიციარისგან, ასევე კომპანიისგან.
• 5.2 ხელშეკრულების მოქმედება შეიძლება შეჩერდეს შემდეგ შემთხვევაში:
  • 5.2.1 პორტალზე რეგისტრაციისას კომპანიისთვის მინიჭებული 100 ქულა, კომპანიის მიერ ბენეფიციარის წინაშე ნაკისრი ვალდებულებების დარღვევის გამო, შემცირდა 50 ქულამდე. ამ შემთხვევაში კომპანიას 1 თვით უწყდება პორტალზე წვდომა და ამ პერიოდში არ იქნება უფლებამოსილი პორტალის მეშვეობით ბენეფიციარებისთვის განათავსოს შეთავაზება.
• 5.3 სააგენტომ შეიძლება შეწყვიტოს წინამდებარე ხელშეკრულება, თუ კომპანია ვერ ასრულებს ბენეფიციარის წინაშე რომელიმე მნიშვნელოვან სახელშეკრულებო ვალდებულებას, რაც დასტურდება სააგენტოს მიერ განხორციელებული მონიტორინგით და პორტალზე კომპანიის რეიტინგით, რომელიც დგინდება ბენეფიციარის მიერ კომპანიის ონლაინ შეფასებით.
• 5.4 კომპანიამ შეიძლება შეწყვიტოს წინამდებარე ხელშეკრულება, თუ სააგენტომ დაარღვია 2.2. მუხლით განსაზღვრული გადახდის პირობები, 10 დღიანი წინასწარი წერილობითი შეტყობინების საფუძველზე.
• 5.5 კომპანიის მიერ ბენეფიციარის წინაშე ნაკისრი ძირითადი ვალდებულებების ასევე, ამ ხელშეკრულების პირობების (მათ შორის, მე-2 და მე-3 მუხლებით გათვალისწინებული ვალდებულებების დარღვევის, ასევე ნაკლიანი ანდა შეთანხმებულ ხარისხზე ნაკლები შესრულების შემთხვევაში) კომპანიას ეკისრება ჯარიმა, სააგენტოს მიერ გადახდილი თანხის ორმაგი ოდენობით.

მუხლი 6. ხელშეკრულების მოქმედების ვადა

წინამდებარე ხელშეკრულება ძალაში შედის ხელმოწერის მომენტიდან და ძალაშია 1 წლის ვადით.

მუხლი 7. ფორს მაჟორი

• 7.1 წინამდებარე ხელშეკრულებით გათვალისწინებული ვალდებულების შეუსრულებლობა არ ჩაითვლება ხელშეკრულების დარღვევად თუ ასეთი ვალდებულების განხორციელება ვერ ხერხდება ფორს მაჟორული სიტუაციის გამო, რომელიც წარმოიქმნება ხელშეკრულების მინიჭების შესახებ ცნობებისა ან ხელშეკრულების ძალაში შესვლის შემდეგ.
• 7.2 ამ მუხლის მიზნებისათვის „ფორს მაჟორი“ ნიშნავს ბუნებრივ მოვლენას, აჯანყებას, გადაკეტვებს ან სხვა ინდუსტრიულ არეულობას, სახალხო მტრობას, ომს, გაცხადებულს ან გაუცხადებელს, ბლოკადას, გამოსვლებს, ბუნტს, ეპიდემიას, მეწყერს, მიწისძვრას, ქარიშხალს, მეხს, წყალდიდობას, წალეკვებს, სამოქალაქო არეულობასა და სხვა მსგავს გაუთვალისწინებელ მოვლენებს, რომელიც მხარეების კონტროლს არ ექვემდებარება და ობიექტურად შეუძლებელია მათი დაძლევა.

მუხლი 8. სხვა პირობები

• 8.1. წინამდებარე ხელშეკრულებით გათვალისწინებული ვალდებულებები მხარეებმა უნდა შეასრულონ პირადად, უფლებებისა და მოვალეობების მესამე მხარისთვის გადაცემა დაუშვებელია მეორე მხარის წერილობითი თანხმობის გარეშე.
• 8.2 წინამდებარე ხელშეკრულება შედგენილია 2 თანაბარი იურიდიული ძალის მქონე ეგზემპლარად და ინახება მხარეებთან.
• 8.3 თუ ხელშეკრულების რომელიმე პირობა ბათილია, ხელშეკრულების დანარჩენი პირობები რჩევა უცვლელი.
• 8.4 წინამდებარე ხელშეკრულება დადებულია საქართველოს კანონმდებლობის შესაბამისად და მისგან გამომდინარე დავა ექვემდებარება საქართველოს საერთო სასამართლოების იურისდიქციას.

მხარეთა ხელმოწერები:

სსიპ საქართველოს ინოვაციების და
ტექნოლოგიების სააგენტო

მის: ქ. თბილისი, ინოვაციების ქუჩა #7

ს/კ 204582521

სახელმწიფო ხაზინა: TRESGE22
ანგ. GE24NB0330100200165022

სააგენტოს თავმჯდომარე
ავთანდილ კასრაძე